Thursday, February 14, 2019

காதல் மாற்றங்கள் - கவிதை

என் மனைவி எனும் காதலியே
உன் வருகைக்கு பின்,

என் புகைபிடிக்கும் பழக்கத்தை
தொடர முடிவதில்லை...

இருசக்கர வாகனத்தை
அதிவேகமாக ஓட்ட முடிவதில்லை...

இரவு காட்சி படம் பார்த்துவிட்டு
தாமதமாக வீடு திரும்ப முடிவதில்லை...

நண்பர்களின் சனிக்கிழமை
இரவு பார்ட்டிகளில் கலந்துகொள்ள முடிவதில்லை...

நள்ளிரவை தாண்டி
தொலைக்காட்சி பார்க்க முடிவதில்லை...

அடிதடி பிரச்சனைகளில்
 முன்நிற்க முடிவதில்லை...

என்னை கடந்து செல்லும்
அழகான பெண்களை உற்று பார்க்க முடிவதில்லை...

சம்பாதிக்கும் பனத்தை
கண்மூடித்தனமாக செலவு செய்ய முடிவதில்லை...

திருமணத்திற்கு பின்
இழந்துவிட்டதாக தோன்றும்
அத்தனை இழப்புகளையும்
அன்பு நிறைந்த உன்
ஒற்றை முத்தம் ஈடு செய்துவிடுகிறது

                                                      நம்பிக்கைபாண்டியன்